Bakı. Elçin Mehdiyev - Trend:
Mərkəzi Seçki Komissiyasının (MSK) bu gün keçirilən iclasında 90 saylı Ağdaş seçki dairəsindən Milli Məclisə təkrar seçkilərdə namizədliyi irəli sürülmüş Ümid Partiyasının sədri İqbal Ağazadənin şikayətinə baxılıb.
Trend-in məlumatına görə, İ.Ağazadə şikayətində ona imza vermiş şəxslərə həmin seçki dairəsindən digər namizəd Cavid Osmanov tərəfindən təzyiq göstərildiyini iddia edib.
MSK üzvü İlham Məmmədov bildirib ki, MSK-nın araşdırması zamanı C.Osmanov tərəfindən seçicilərə təzyiq göstəriliməsi barədə şikayətdəki iddia təsdiqini tapmayıb.