...

Vyetnam Azərbaycana 10 min tibbi maska göndərib

Siyasət Materials 29 Aprel 2020 16:46 (UTC +04:00)
Vyetnam-Azərbaycan dostluq assosiasiyası COVID-19 pandemiyası ilə mübarizə çərçivəsində Azərbaycana 10 min tibb maskası təhvil verib
Vyetnam Azərbaycana 10 min tibbi maska göndərib

Bakı. Nərgiz Sadıxova - Trend:

Vyetnam-Azərbaycan dostluq assosiasiyası COVID-19 pandemiyası ilə mübarizə çərçivəsində Azərbaycana 10 min tibbi maska təhvil verib.

Trend bu barədə “Vyetnamın səsi” agentliyinə istinadən məlumat verib.

Dostluq Assosiasiyasının sədri Nghim Vu Hay aprelin 28-də Azərbaycanın Vyetnamdakı səfirliyində keçirilən tədbir zamanı bildirib ki, bu təşəbbüs Azərbaycanda təhsil almış vyetnamlı tələbələr tərəfindən irəli sürülüb.

O əlavə edib ki, aprelin 26-da Vyetnam-Azərbaycan dostluq assosiasiyası Vyetnamın Fukuok adasında pandemiya ilə əlaqədar iş yerlərini itirmiş azərbaycanlılara yardım məqsədilə 1000 dollardan çox maliyyə vəsaiti toplayıb.

Azərbaycanın Vyetnamdakı səfiri Anar İmanov öz növbəsində bu addıma görə Vyetnam xalqına təşəkkürünü bildirib.

Məqalədə:
Xəbər lenti

Xəbər lenti