Bakı. Trend:
13-cü Rusiya-Azərbaycan Regionlararası Forumunu keçirmək məqsədəuyğun olardı.
Trend xəbər verir ki, bunu Rusiya Federasiyasının Federal Məclisinin Federasiya Şurası sədrinin birinci müavini Andrey Yatskin Rusiya və Azərbaycan arasında parlamentlərarası komissiyanın 22-ci iclasının açılış mərasimində deyib.
O qeyd edib ki,12-ci Rusiya-Azərbaycan Regionlararası Forumu ötən ilin fevral ayında keçirilib və parlamentarilərin də iştirak edəcəyi 13-cü regional forumu keçirmək məqsədəuyğun olardı.
Onun sözlərinə görə, Azərbaycan və Rusiyanın parlamentlərarası əməkdaşlıq üzrə yol xəritəsi var və artıq o sənəd əsasında bir sıra təbdirlər görülüb. Hal-hazırda gündəmdə yeni addımlar durmaqdadır.
Yatskin həmçinin Azərbaycan tərəfinin 22-23 may 2025 tarixlərində keçiriləcək Nevski Beynəlxalq Ekoloji Konqresində iştirak etməyə dəvət olunduğunu diqqətə çatdırıb.
“Forum çərçivəsində meqapolislərdə ekologiyaya həsr olunmuş sessiyada Bakı şəhər (icra) başçsınının iştirakı aktual olardı”, - deyə o bildirib.