Azərbaycan Sosial Demokrat Partiyasının (ASDP) həmsədri Araz Əlizadə 2006-cı il mayın 13-də parlamentə keçiriləcək təkrar seçkilərdə iştirak etməyə bilər. Bu barədə Trend ə ASDP həmsədrinin özü bildirib.
Qeyd edək ki, A.Əlizadə 44 saylı Sumqayıt-Abşeron seçki dairəsindən namizədliyini verib.
"Fevralın 24-də dairə seçki komissiyasına sənədlərimi təhvil vermişəm, imzalarım hazırdır" - deyən ASDP həmsədri namizədliyindən imtina edib-etməmək barədə düşündüyünü bildirib.
A.Əlizadə təkrar seçkilərə qatılıb-qatılmayacağı ilə bağlı məsələnin partiyanın Mərkəzi Komitəsində müzakirə ediləcəyni bildirib.