Gəncədə yerləşən "Metallurq" Mədəniyyət və İdman kompleksi özəlləşdiriləcək. Bu barədə məlumatı Trend in qərb bürosuna Gəncə şəhər Gənclər və İdman idarəsinin rəisi Mösün Hüseynov verib. Onun bildirdiyinə görə, həmin kompleks 2005-ci ilin oktyabr ayında 25 il müddətinə "KVS" firmasına icarəyə verilmişdi. Ola bilsin ki, bu firma idman kompleksini özəlləşdirsin.
"KVS" firmasının idarə heyyətinin rəhbəri Könül Ələkbərov Trend ə bildirdi ki, kompleksi firma özü ozəlləşdirəcək. Və bura müasir standartlar səviyyəsində təmir olunacaq. Kompleksdə olan üzgüçülük hovuzu, stadion və mini futbol meydançası yenidən qurulacaq. Ələkbərov bildirdi ki, artıq kompleksin yeni layihəsi hazırdır.
