...

Daşkəsəndə Süd Emalı zavodunun açılışı olub

Siyasət Materials 20 Oktyabr 2006 19:23 (UTC +04:00)

Bu gün Daşkəsən rayonunun Quşçu kəndi yaxınlığında tikilən Süd Emalı zavodunun açılış mərasimi keçirilib. Trendin məlumatına süd emalı zavodu Avropa Şurasının "Dağ regionlarının və ətraf mühitin davamlı idarə olunmasının dəstəklənməsi məqsədi ilə millətlərarası əməkdaşlıq" layihəsi çərçivəsində açılıb. Zavodun tikintisi İqtisadi İnkişaf Nazirliyinin Sahibkarlığa Kömək Milli Fondunun vəsaiti hesabına aparılıb. Lazım olan istehsal avadanlıqları isə Avropa Şurasının maliyyə dəstəyi ilə İtaliyadan alınıb. Avadanlıqların ümumi dəyəri təxminən 140 min avrodur. Müəssisənin layihələşdirilməsi və avadanlıqların quraşdırılması işlərinə nəzarəti İtaliyanın "LAG ALTO BELLENESE" şirkəti həyata keçirib. Zavod gündə 5 ton süd qəbul etmə gücünə malikdir. Burada quraşdırılan müasir texnalogiya zavodda holland pendiri, ağ pendir, şor, yağ və xama kimi məhsulların hazırlanmasına imkan yaradır.

Açılış mərasimində Avropa Şurasının Sosial Birlyinin İnkişaf şöbəsinin rəhbəri Gida Farrell, "LAG ALTO BELLENESE" şirkətinin prezidenti Flamino De Derpo, İqtisadi İnkişaf Nazirlyinin Gəncə-Qazax şöbəsinin müdiri Azər Muradov, rayon içtimaiyyətinin nümayəndələri və digər qonaqlar iştirak edib. Çıxış edən Gida Farrell həyata keçirilən layihə barədə danışaraq bildirib ki, "Dağ regionlarının və ətraf mühitin davamlı idarə olunmasının dəstəklənməsi məqsədi ilə millətlərarası əməkdaşlıq" layihəsinin məqsədi kənd yerlərində yaşayanlar üçün iş yerləri açmaqdan ibarətdir ki, orada olanlar iş axtarmaq üçün şəhərlərə getməsinlər.

Sonda iştirakçılar zavodla tanış olub və burada istehsal olunan məhsullara baxış keçiriblər.

Xəbər lenti

Xəbər lenti