...

ADP dövlət başçısının Dağlıq Qarabağ və MDB ilə bağlı bəyanatlarını dəstəkləyir

Siyasət Materials 26 Dekabr 2006 17:25

Trend-i buradan izləyin

Azərbaycan Demokrat Partiyası (ADP) sədrinin birinci müavini Sərdar Cəlaloğlunun sədrliyi ilə partiyanın İdarə Heyətinin genişləndirilmiş toplantısı keçirilib. Bu barədə Trend ə ADP-dən məlumat verilib.

Toplantıda ölkədəki ictimai-siyasi vəziyyət, son dövrlər ölkə başçısı İlham Əliyevin Dağlıq Qarabağ münaqişəsi və MDB ilə əlaqədar səsləndirdiyi bəyanatlar ətrafında fikir mübadiləsi aparılıb. Ölkə başçısının beynəlxalq hüquq normalarına uyğun olaraq, Dağlıq Qarabağa muxtariyyat statusunun yalnız Azərbaycanın ərazi bütövlüyü, suverenliyi çərçivəsində verilmə ehtimalının mümkünlüyü və qarşı tərəfin bununla razılaşmadığı halda muxtariyyət hüququ almaq şansını da itirəcəyi barədə səsləndirdiyi fikirlər təqdirəlayiq hal kimi qiymətləndirilib.

Eyni zamanda prezident İlham Əliyevin "Exo-Moskva" radiosuna verdiyi müsahibədə MDB-nin artıq faydasız bir siyasi qurum olması barədə söylədiyi fikirlərin hələ 15 il bundan əvvəl müxalifətin bu qurumun yararsızlığı haqqında ortaya qoyduğu mövqe ilə üst-üstə düşdüyü qeyd olunub. Dövlət başçısı tərəfindən səsləndirilən hər iki bəyanatın Azərbaycan xalqının mənafeyinə uyğun olduğu qeyd edilib.

Xatırladaq ki, müxalifəti təmsil edən ADP "Azadlıq" blokunda təmsil olunur. Partiyanın sədri Azərbaycanın eks-spikeri Rəsul Quliyev 1995-ci ildən bəri mühacirətdə yaşayır.

Xəbər lenti

Xəbər lenti