Azərbaycan, Bakı/müxbir Trend S.İlhamqızı/ADP-nin 9-cu Qurultayına hazırlıq üzrə Təşkilat Komitəsi partiyanın "Azadlıq" blokundakı fəaliyyətinin dayandırılması ilə bağlı blokun Sədrlər Şurasındakı qərarını ədalətsiz və əsassız adlandırıb. Bu barədə ADP-nin bəyanatında bildirilir.
ADP blok rəhbərliyinin qərarını son illər müxalifətin əsas güc mərkəzlərindən biri kimi formalaşmış "Azadlıq" blokunun dağılmasına yönələn addım kimi qiymətləndirib: "ADP partiyanın "Azadlıq" blokunda fəaliyyətinin dayandırılması ilə bağlı qəbul edilən qərarda göstərilən səbəbləri əsassız hesab edir və bu addımı prezident seçkiləri ərəfəsində müxalifətin ümumi mübarizəsinə və birliyinə ciddi zərbə kimi dəyərləndirir".
ADP hesab edir ki, partiyanın Ali Məclisinin 27 yanvar 2007-ci il tarixdə siyasi dialoq və konstruktivizmlə bağlı qəbul etdiyi qərarı siyasi reallığa tam uyğundur. ADP Azərbaycanın aparıcı müxalifət partiyası olacağını bəyan edib.
