Azərbaycan, Bakı / Trend müxbir K. Zərbalıyeva/ Qax rayon polis şöbəsi və Milli Təhlükəsizlik Nazirliyinin rayon şöbəsi əməkdaşlarının keçirdikləri birgə əməliyyat tədbirləri nəticəsində vəhabi təriqətini təbliğ edən bir qrup şəxs saxlanılıb. DİN-in mətbuat xidmətindən çərşənbə günü verilən məlumata görə, Qax şəhər sakinləri Füzuli Kərimov, Hacı Səmədov və Cavanşir Seyidov saxlanılmış və onların evlərinə baxış zamanı bu və digər dinləri təbliğ edən 300-dən çox kitab, audio, video disklər və kasetlər aşkar edilərək götürülüb. Faktla bağlı araşdırmalar aparılır.