Azərbaycan, Bakı /müx. Trend S.Babayeva/ İyunda kənd təsərrüfatı məhsullarının istehsal qiymətləri ötən ayla müqayisədə 0,3 faiz azalıb. Lakin 2006-cı ilin dekabrı ilə nisbətdə 1,4 faiz artıb.
Dövlət Statistika Komitəsinin verdiyi məlumata görə, iyunda bitkiçilik və bostançılıq məhsullarının qiymətlərinin indeksi may ayı ilə müqayisədə 99,5 faiz təşkil edib.
Müvafiq müddət ərzində bağçılıq məhsulları, tərəvəz və taxılın istehsal qiymətləri müvafiq olaraq 4,7 və 0,2 faiz azalıb. Meyvə və fındığın qiymətləri isə 0,5 faiz artıb.
Maldarlıq məhsullarının qiymət indeksi may ayı ilə müqayisədə 99,7 faiz təşkil edib.
