Azərbaycan, Bakı, 24 yanvar / Trend , müxbir K. Zərbalıyeva/ Türkiyə Ali Məhkəməsinin hakimi hakimliyə namizədlərlə xüsusi kurslara başlayıb. Məhkəmə-Hüquq Şurasından cümə axşamı Trend ə bildirilib ki, qurum Türkiyənin aidiyyatı orqanları ilə əməkdaşlıq nəticəsində, aktual mövzular üzrə hakimliyə namizədlərlə xüsusi kurs keçirilməsi, bu məqsədlə türkiyəli mütəxəssislərin respublikamıza səfəri barədə razılıq əldə edib.
Türkiyənin Ali Məhkəməsinin hakimi, Ədliyyə Akademiyasının yüksək ixtisaslı müəllimi Əhməd Toker hakimliyə namizədlərə Avropa məhkəməsinin presidentlərinin tətbiqi təcrübəsi, beynəlxalq terrorçuluğa qarşı mübarizənin hüquqi əsasları, hakimlərin deantologiya məsələləri və s. mövzular üzrə hakimliyə namizədlərə kurslar keçib.
Türkiyəli qonaqla Hakimlərin Seçki Komitəsində, Ali Məhkəmədə, Ədliyyə Nazirliyində görüş keçirilib.
Tədris kurslarına 102 hakimliyə namizəd cəlb olunub.
