Azərbaycan, Quba, 07 aprel / Trend ", müxbir A.Qafarov/ Azərbaycanın rayon və kəndlərində mədəni və tarixi abidələrin yenidən bərpası üçün layihələr hazırlanıb. Bu barədə bazar ertəsi Quba rayonunun Rustov kəndindəki məcsidin əsaslı bərpadan sonra açılışında iştirak edən mədəniyyət və turizm naziri Əbülfəs Qarayev məlumat verib.
Rustov kənd məscidi 1902-ci ildə tikilib. 1920-ci ildən sonra məscid anbar kimi istifadə olunsa da, 1980-ci ildən yenidən məscid kimi fəaliyyət göstərib. Məscidin əsaslı təmiri "Azərinşaat" MMC tərəfindən aparılıb.
Qarayev deyib ki, məscidlərin bərpası üçün yeni layihələr hazırlanır və bu layihələrin smetası tutulur. Layihələr əsasında Azərbaycanın bütün kəndlərində məscidlər bərpa olunacaq.
Quba paytaxt Bakıdan 170 kilometr şimalda yerləşir.
Məqalə müəllifi ilə əlaqə ünvanı: [email protected]