...

Azərbaycanın Milli Televiziya və Radio Şurası filmlərin yayımı ilə bağlı tədbirlər planı hazırlayıb

Cəmiyyət Materials 22 Sentyabr 2008 17:28 (UTC +04:00)

Azərbaycan, Bakı, 22 sentyabr / Trend , müxbir İ.Əlizadə/ Azərbaycanın Milli Televiziya və Radio Şurası (MTRŞ) ölkə televiziyalarında xaricdə istehsal olunan film və serialların nümayişinin azaldılması üçün tədbirlər planı hazırlayıb.

"Televiziyalarda Azərbaycan məhsulları üstünlük təşkil etməlidir, bu istiqamətdə iş aparırıq və 2008 - ci ilin sonunadək nəticələr olacaq" -bazar ertəsi Trend - a MTRŞ - nin sədri Nuşirəvan Məhərrəmli bildirib.

Trend - un arayışı: Azərbaycanda bütün ölkə ərazisində yayımlanan yeddi televiziya kanalı var. Regionlarda isə 15 televiziya fəaliyyət göstərir.

Məhərrəmlinin fikrincə, Azərbaycanda istehsal olunan film və seriallar artdıqca, xaricdən gətirilən serialların nümayişi də azalacaq.

O qeyd edib ki, televiziyalarda nümayiş etdirilən verilişlər yalnız Azərbaycan dilində olmaldır.

"Hər bir ölkənin televiziya kanalları milli kanallardır. Vətəndaş televiziyanı açanda orada ölkənin atributlarını görməlidir, milli dildə danışılmalıdır və həmin dövlətdə görülən işlərlə bağlı daha çox məlumatlar verilməlidir. Biz efirlərimizi xaricdən gətirilən film və verilişlərlə doldurmamalıyıq. Əgər belədirsə, xarici televiziyalara baxardıq və milli telekanallara ehtiyac olmazdı" - Şuranın sədri əlavə edib.

Onun sözlərinə görə, televiziyalarda göstərilən verilişlərin 75% - dən çoxu Azərbaycanda istehsal olunan və Azərbaycan dilində olmalıdır.

"Bu məsələdə Azərbaycanın milli maraqlarını hər şeydən üstün tuturuq"- Məhərrəmli əlavə edib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti