Azərbaycan, Bakı, 24 noyabr/ Trend , müxbir C.Babayeva/ Azərbaycan və Koreya Respublikası ətraf mühitin mühafizəsi üzrə birgə komitə yaradacaqlar.
Azərbaycanın Ekologiya və Təbii Sərvətlər Nazirliyindən bazar ertəsi Trend -a verilən məlumata görə, ətraf mühit üzrə birgə komitənin yaradılmasına dair əsasnamə noyabrın 25-də Koreyanın ekologiya nazirinin müavini Xonk Cun Seokun Bakıya səfəri zamanı imzalanacaq.
Ötən il Azərbaycan ilə Koreya Respublikası arasında ətraf mühitin mühafizəsi sahəsində qarşılıqlı anlaşma memorandumu imzalanıb.
Azərbaycanın Ekologiya və Təbii Sərvətlər Nazirilyi Gürcüstan, Türkiyə, İran, Moldova və Ukrayna ilə ətraf mühitin mühafizəsi sahəsində əməkdaşlıq haqqında müqavilələrə malikdir.
Məqalə müəllifi ilə əlaqə ünvanı [email protected]
