Azərbaycan, Bakı, 20 avqust /Trend, müxbir T.Hacıyev/
Avropa çempionatının seçmə qrup mərhələsi çərçivəsində sentyabrın 7-də Köln şəhərindəki "Reyn Enerji Stadion"da keçiriləcək Almaniya - Azərbaycan oyununu idarə edəcək hakimlər briqadası, eləcə də hakim-inspektor və UEFA nümayəndəsi müəyyənləşib.
Trend-in məlumatına görə, hakimlər briqadası İsveçdəndir; baş hakim - Markus Strömberqsson, baş hakimin köməkçiləri - Stefan Vittberq, Ffredrik Nilson, dördüncü hakim - Daniel Stalhammer.
UEFA nümayəndəsi - David Georgi Kollins (Uels), hakim-inspektor - Stefan Ormandjev (Bolqarıstan).