Azərbaycan, Bakı, 29 aprel /Trend, müxbir E.İsmayılov/
2012-ci ilin ikinci yarısında Azərbaycan Nəqliyyat Nazirliyi Bakının ictimai nəqliyyatında vahid ödəniş kartları sisteminin yaradılması üzrə tender elan edəcək. Bu barədə çərşənbə axşamı Trend-ə layihəyə yaxın mənbə bildirib.
Onun sözlərinə görə, sistem avtobusları və Bakı metrosunu əhatə edəcək.
"Bu, ictimai nəqliyyat növlərində, xüsusən avtobus və metroda gediş haqqının ödənişini təmin etməyə imkan verəcək", - mənbə qeyd edib.
Onun sözlərinə görə, tətbiq prosesi də daxil olmaqla, layihənin reallaşdırılması iki il vaxt apara bilər.