Azərbaycan, İsmayıllı, 11 may /Trend, müxbir Ə.Həsənov/
Bu gün Qəbələ şəhərində ümummilli lider Heydər Əliyevin anadan olmasının 89-cu ildönümünə həsr edilmiş beynəlxalq veloturun üçüncü mərhələsi başlayıb.
Trend-in məlumatına görə, veloturun üçüncü mərhələsində iştirakçılar Qəbələ-Oğuz-Şəki-Oğuz-Qəbələ marşrutu üzrə 160 kilometrlik məsafəni qət etməlidirlər.
Veloturun ümumi hesabının yekunları üzrə isə Əlcəzair velosipedçisi Yusif Reqiqi liderlik edir. Azərbaycan idmançıları arasında ən yaxşı nəticəni "Sumqayıt" komandasının ən gənc üzvü Qurban Tağıyev göstərib.