Azərbaycan, Bakı, 20 may /Trend, müxbirlər E.Mehdiyev/
Sabah Azərbaycanda hava isti olacaq.
Ekologiya və Təbii Sərvətlər Nazirliyinin Milli Hidrometeorologiya Departamentindən bazar günü Trend-ə bildiriblər ki, mayın 21-də Bakıda və Abşeron yarımadasında hava dəyişkən buludlu olacaq, əsasən yağmursuz keçəcək. Yarımadanın bəzi yerlərində zəif duman olacaq.
Bakıda gecə 18-20° isti, gündüz 28-30° isti olacağı gözlənilir.
Azərbaycanın rayonlarında hava əsasən yağmursuz keçəcək. Lakin gecə və axşam bəzi yerlərdə şimşək çaxacağı, qısamüddətli yağış yağacağı gözlənilir.
Havanın temperaturu gündüz 25-33 dərəcə, gecə isə 15-18 dərəcə isti olacaq.