Azərbaycan, Bakı, 25 may /Trend/
Milli Məclisin deputatı Novruz Aslanovun İsmayıllı rayonuna səfərləri davam edir.
May ayının 24-də millət vəkili növbəti dəfə İsmayıllı şəhərindəki ofisində sakinləri qəbul edib. Həmişə olduğu kimi bu dəfə də deputat hər bir seçicini fərdi qaydada qəbul edib, onları dinləyib. Qaldırılan məsələlər əsasən işlə təminat və torpaq sahəsinin verilməsi ilə bağlı olub. Ayrı-ayrı sakinlər şəxsi məişət problemləri barədə də millət vəkilinə müraciət ediblər. Bir neçə məsələ ilə bağlı deputat müvafiq addımların atılacağını bildirib və bəzi məsələlər yerindəcə həllini tapıb.
Məlumat üçün bildirək ki, seçicilərlə mütəmadi olaraq görüşlərin keçirilməsi, onları hər həftə qəbul etmək deputat Novruz Aslanovun əsas fəaliyyət istiqamətlərindən biridir. Bu məqsədlə millət vəkili hər həftə İsmayıllı rayonuna səfər edir. Eyni zamanda rayonda keçirilən kütləvi tədbirlərdə iştirak edir.