Azərbaycan, Bakı, 15 avqust /Trend, müxbir İ.İsabalayeva/
Tələbə Qəbulu üzrə Dövlət Komissiyası ümumi orta təhsil bazasında (9 illik) orta ixtisas təhsili müəssisələrinə qəbul imtahanlarında iştirak etmək istəyən abituriyentlər üçün sənəd qəbulunun müddəti uzadılıb.
Komissiyadan Trend-ə verilən məlumata görə, ümumi orta təhsil bazasında (9 illik) orta ixtisas təhsil müəssisələrinə ərizə qəbulunun son müddəti 16 avqust saat 11:00 dək uzadılıb. Abituriyentlərin ərizələri qeyd olunan vaxta qədər internet vasitəsilə doldurulmalı və təsdiq edilməlidir.
Ümumi orta təhsil bazasında (9 illik) orta ixtisas təhsili müəssisələrinə sənəd qəbulu bu gün yekunlaşmalı idi.