Azərbaycan, Bakı, 22 yanvar /Trend/
Gəncədə nəqliyyat infrastrukturunun yaxşılaşdırılması üçün ilin sonuna kimi şəhərə yeni ortatutumlu avtobuslar gətiriləcək. Trend Kəpəz TV-yə istinadən xəbər verir ki, bu barədə Nəqliyyat Nazirliyi Dövlət Avtomobil Nəqliyyatı Xidmətinin Gəncə Regional Şöbəsinin aparıcı məsləhətçisi İsa Quliyev bildirib.
Onun sözlərinə görə, "Hyundai" markalı yeni avtobuslar şəhərdə istismar müddəti bitmiş "Qazel" markalı mikroavtobusları əvəzləyəcək.
Bununla da ilin sonuna kimi Gəncənin ictimai nəqliyyat sistemində köhnə mikroavtobuslar qalmayacaq.