Azərbaycan, Bakı, 27 mart / Trend, müxbir E.İsmayılov /
2014-cü ilin yanvar-fevral aylarında Türkiyənin "Botas" şirkəti müxtəlif mənbələrdən 7,57 milyard kubmetr qaz alıb. Ötən ilin eyni dövründə bu rəqəm 6,89 milyard kubmetr olub. Trend-in məlumatına görə. bu barədə "Botas" şirkətinin rəsmi saytında yerləşdirilmiş xəbərdə deyilir.
Türkiyə Azərbaycandan Cənub Qafqaz qaz kəməri (Bakı-Tbilisi-Ərzurum) ilə qaz idxal edir.
Ümumilikdə, 2013-cü ildə "Botaş" Türkiyəyə 38,42 milyard kubmetrqaz idxal edib. 2012-ci ildə bu göstərici 43,09 milyard kubmetr kubmetr təşkil edib.
Yanvar-fevral aylarında "Botaş" boru kəməri şirkətinin ixrac əməliyyatlarının payına 134 milyon kubmetr qaz düşüb. 2013-cü ilin eyni dövründə bu göstərici 93 milyon kubmetr olub. 2013-cü ildə 694 milyon kubmetr, 2012-ci ildə isə 622 milyon kubmetr olub.
Məlumatda deyildiyi kimi, bu ilin yanvar-fevral aylarında Türkiyənin daxili bazarında 8,1 milyard kubmetrə yaxın qaz satılıb. 2013-cü ilin eyni dövründə bu göstərici demək olar ki, 7,77 milyard kubmetr olub. 2013-cü ilin yekunları üzrə Türkiyənin daxili bazarında 37,96 milyard kubmetrdən artıq qaz satılıb. 2012-ci ildə bu göstərici 41,44 milyard kubmetrə yaxın olub.
