...

Hərbi həkimlər Ebola virusunun Azərbaycanda qarşısının alınması tədbirlərini müzakirə ediblər

Cəmiyyət Materials 1 Dekabr 2014 16:35 (UTC +04:00)
Hərbi Tibb Fakültəsində Ebola virusu ilə bağlı elmi konfrans keçirilib.
Hərbi həkimlər Ebola virusunun Azərbaycanda qarşısının alınması tədbirlərini müzakirə ediblər

Azərbaycan, Bakı, 1 dekabr /Trend, müxbir İlkin İzzət/

Hərbi Tibb Fakültəsində Ebola virusu ilə bağlı elmi konfrans keçirilib.

Müdafiə Nazirliyinin mətbuat xidmətindən Trend-ə bildiriblər ki, Azərbaycan Tibb Universitetinin Hərbi Tibb Fakültəsində "Ebola virusu-bəşər tarixinin ən qəddar virus xəstəliyi" mövzusunda elmi konfrans keçirilib.

Fakültənin müəllim, rezident və tələbə heyətinin iştirakı ilə keçirilən konfransı Silahlı Qüvvələrin baş cərrahı tibb xidməti polkovniki Famil Babayev açaraq məruzə olunacaq məsələlərin aktuallığı barədə məlumat verib.

O, Ebola virusu, xəstəliyin yayılma coğrafiyası, onun yaratdığı problemlər və bu virusun Azərbaycanda yayılmasının qarşısını almaq məqsədilə profilaktik tədbirlərin keçirilməsi haqda məruzə ilə çıxış edib.

Sonra Silahlı Qüvvələrin baş infeksionisti, tibb xidməti polkovniki Azər Nağıyevin "Virus mənşəli hemorragik qızdırmalar", tibb xidməti polkovnik-leytenantı Azad Məmmədovun "Ebola virusu tərəfindən törədilən xəstəlik" və tibb xidməti polkovnik-leytenantı Fərhad Meybəliyevin "Kontagioz hemorragik qızdırmalarda əks-epidemik tədbirlər" mövzusunda məruzələri dinlənilib.

Məqalədə:
Xəbər lenti

Xəbər lenti