Azərbaycan, Bakı, 30 iyun /Trend, müxbir İlhamə İsabalayeva/
İyul ayında havanın orta aylıq temperaturunun iqlim normasına yaxın, bəzi yerlərdə isə bir qədər yüksək olacağı gözlənilir. Bu barədə Trend-ə Ekologiya və Təbii Sərvətlər Nazirliyindən məlumat verilib.
Aylıq yağıntının miqdarının iqlim normasına yaxın olacağı ehtimalı var.
Bakıda və Abşeron yarımadasında havanın orta aylıq temperaturunun 25-28° isti olacağı gözlənilir ki, bu da iqlim normasına yaxın və 1° yüksəkdir. Gecələr 22-27° isti təşkil edəcək.
Gündüzlər 30-35° isti, bəzi günlərdə isə temperatur 38-40°-dək yüksələcək. Aylıq yağıntının miqdarının iqlim normasına yaxın (norma 2-3 mm) olacağı gözlənilir.
Naxçıvan Muxtar Respublikasında havanın orta aylıq temperaturunun 25-29° isti olacağı gözlənilir ki, bu da iqlim normasına yaxın və 1° yüksəkdir. Gecələr 22-27° isti təşkil edəcək. Gündüzlər 30-35° isti, bəzi günlərdə isə temperatur 38-42°-dək yüksələcək. Yağıntının aylıq yağıntı miqdarının iqlim normasına yaxın (norma 6-16 mm) olacağı gözlənilir.
Yuxarı Qarabağ: Xankəndi, Şuşa, Xoçalı həmçinin Xocavənd, Qubadlı, Zəngilan, Laçın, Kəlbəcər və Daşkəsən-Gədəbəy rayonlarında havanın orta aylıq temperaturunun 18-23° dərəcə isti olacağı gözlənilir ki, bu da iqlim normasına yaxındır. Gecələr temperatur 17-22° isti təşkil edəcək. Gündüzlər 25-30° dərəcə isti, bəzi günlərdə isə temperaturun 35°-dək isti olacağı gözlənilir. Yağıntının aylıq yağıntı miqdarının iqlim normasına yaxın (norma 36-73 mm) olacağı gözlənilir.
Qazax-Gəncə, Goranboy, Tər-Tər, Ağdam, Füzuli, Cəbrayıl rayonlarında havanın orta aylıq temperaturunun 25-27° dərəcə isti olacağı gözlənilir ki, bu da iqlim normasına yaxın və 1° yüksəkdir. Gecələr 21-26° dərəcə isti təşkil edəcək. Gündüzlər 30-35° dərəcə isti, bəzi günlərdə isə temperatur 37-40°-dək yüksələcək. Aylıq yağıntının miqdarının iqlim normasına yaxın olacağı (norma 10-32 mm) gözlənilir.
Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında havanın orta aylıq temperaturunun 23-25° dərəcə isti olacağı gözlənilir ki, bu da iqlim normasına yaxındır. Gecələr temperatur 17-22° isti təşkil edəcək.
Gündüzlər 27-32° dərəcə isti, bəzi günlərdə isə temperatur 35-38°-dək yüksələcək. Aylıq yağıntının miqdarının iqlim normasına yaxın (norma 9-118 mm) olacağı gözlənilir.
Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında orta aylıq temperaturun 26-29° dərəcə isti olacağı gözlənilir ki, bu da iqlim normasına yaxın və 1° yüksəkdir. Gecələr temperatur 23-28° isti təşkil edəcək. Gündüzlər 30-35° dərəcə isti, bəzi günlərdə isə temperatur 38-42°-dək yüksələcək. Aylıq yağıntının miqdarının iqlim normasına yaxın, bəzi yerlərdə isə bir qədər çox (norma 3-22 mm) olacağı gözlənilir.
Masallı, Yardımlı, Lerik, Lənkəran, Astara rayonlarında havanın orta aylıq temperaturunun 24-27° dərəcə isti olacağı gözlənilir ki, bu da iqlim normasına yaxın və 1° yüksəkdir. Gecələr temperatur 21-26° dərəcə isti təşkil edəcək. Gündüzlər 29-34° dərəcə isti, bəzi günlərdə isə temperatur 37°-dək yüksələcək. Aylıq yağıntının miqdarının iqlim normasına yaxın (norma 7-33 mm) olacağı gözlənilir.