Bakı. Trend:
A-Qroup Sığorta Şirkəti neyroblastoma - endokrin sisteminin xərçəngi diaqnozu qoyulmuş ikiyaşlı körpənin həyati əhəmiyyətli müalicə xərclərini ödəməyi öhdəsinə götürmüşdür. Sığorta Şirkətindən Trend-ə verilən məlumata gröə, 2015-ci ilin sonundan etibarən körpə Türkiyənin İzmir şəhərində lazımi müalicə alır. A-Qroup mərhələli şəkildə, müvafiq müalicənin aparıldığını təsdiq edən sənədlər təqdim edilən kimi, ödənişi həyata keçirir. Təkcə bu günə olan ödəniş məbləği 38 000 AZN təşkil edir.
Şirkətdən bildiriblər: "Qarşıda bizi hələ müalicənin növbəti ayları gözləyir. Biz ümid edir və inanırıq ki, hər şey müsbət sonluqla bitəcək!"
A- Qroup Sığorta Şirkəti öz müştərilərinin qayğısına qalan və onları beynəlxalq standardlara uyğun, yüksək keyfiyyətli xidmətlətəmin edən şirkət olaraq qalmaqda davam edir.