Bakı. İlhamə İsabalayeva – Trend:
Novruz bayramı günlərində Səhiyyə Nazirliyinin Kliniki Tibbi Mərkəzin (KTM) Toksikologiya şöbəsinə edilən əsas müraciətlər dəm qazından zəhərlənmə ilə bağlı olub.
Bunu Trend-ə Səhiyyə Nazirliyinin Kliniki Tibbi Mərkəzin (KTM) Toksikologiya şöbəsinin müdiri Azər Maqsudov deyib.
A.Maqsudovun sözlərinə görə, Novruz bayramı günlərində 12 nəfər dəm qazından zəhərlənmə diaqnozu ilə xəstəxanaya müraciət edib. Onların 7-si xəstəxanaya yerləşdirilib.
Qeyd edilən müddətdə 4 nəfər dərman zəhərlənməsi diaqnozu, 6 nəfər allergik reaksiya, 2 nəfər sirkə turşusundan zəhərlənmə diaqnozu ilə, 6 nəfər sərxoşluğa görə xəstəxanaya müraciət edib.