...

Peşə hazırlığında fasilə yaranan işsizlərə də təqaüd ödənişi davam edir

Cəmiyyət Materials 23 Aprel 2020 10:19 (UTC +04:00)
Peşə hazırlığında fasilə yaranan işsizlərə də təqaüd ödənişi davam edir

Trend-i buradan izləyin

Bakı. Trend:

Peşə hazırlığında fasilə yaranan işsizlərə də təqaüd ödənişi davam edir.

Əmək və Əhalinin Sosial Müdafiəsi Nazirliyindən Trend-ə verilən məlumata görə, pandemiya ilə əlaqədar sosial dəstək tədbirləri peşə hazırlığı prosesində fasilə yaranan kursların müdavimlərini də əhatə edir.

Nazirlər Kabinetinin 7 aprel 2020-ci il tarixli Qərarına əsasən, nazirlik tərəfindən yaxın günlərdə həmin şəxslərə fasilə yaranmış dövr üzrə təqaüdlərinin ödənişi təmin olunacaq. Bu sosial müdafiə tədbiri 500-dən çox müdavimi əhatə edəcək.

Peşə və ixtisası olmayan, yaxud peşə bacarığına uyğun iş tapılmasında çətinlik yaranan şəxslər Nazirlik yanında Dövlət Məşğulluq Xidməti tərəfindən peşə hazırlığına cəlb edilirlər. Bu da onların əmək bazarına çıxışına və məşğulluğunun təminatına imkan yaradır.

Peşə hazırlığına cəlb olunanlara hər ay minimum əmək haqqı qədər (250 manat) təqaüd verilir.

Məqalədə:
Xəbər lenti

Xəbər lenti