...

Pirallahıda bir neçə küçədə təmir işləri yekunlaşıb (FOTO)

Cəmiyyət Materials 7 Yanvar 2021 11:52 (UTC +04:00)
Pirallahıda bir neçə küçədə təmir işləri yekunlaşıb (FOTO)

Bakı. Ceyhun Ələkbərov - Trend:

Bakı şəhərinin Pirallahı rayonu ərazisində 2 küçədə aparılan təmir işlərini yekunlaşdırıb.

Bu barədə Trend-ə Azərbaycan Avtomobil Yolları Dövlət Agentliyindən bildiriblər. Qeyd olunub ki, Pirallahı rayonunun Süleyman Bağırov və Gənclik küçələrində aparılan təmir işləri artıq bitib. Süleyman Bağırov küçəsinin uzunluğu 2.9 km, Gənclik küçəsinin uzunluğu isə 1.1 km təşkil edir.

Sözügedən küçələr uzun müddət əsaslı şəkildə təmir olunmadan istismar olunurdu, yol örtüyünün vəziyyəti qənaətbəxş deyildi, çünki torpaq əsaslı və çınqıl örtüklü idi. Bu isə xüsusən payız-qış mövsümündə küçələrdən istifadə edən vətəndaşların rahat hərəkətinə problemlər yaradırdı.

Aparılan təmir-tikinti işləri çərçivəsində küçələr boyu zəruri olan yerlərdə köhnə örtük sökülüb və yararsız qrunt qazılaraq çıxarılıb, əvəzinə yararlı material tökülərək kipləşdirilib və yol əsası hazırlanıb. Daha sonra isə yeni asfalt-beton örtüyü döşənib.

Təmir işlərinin aparıldığı ərazinin sahəsi 24 min kv.m təşkil edir.

Qeyd olunan ərazilərdə təmir işlərinin həcmi ayrılmış vəsait hesabına Azərbaycan Avtomobil Yolları Dövlət Agentliyinin rəhbərliyinin nəzarəti altında “İnşaat Norma və Qaydaları”nın tələblərinə əsasən aparılaraq yekunlaşdırılıb.

Xatırladaq ki, agentlik tərəfindən 2019-cu il ərzində Bakı şəhərinin Pirallahı rayonunun Gürgən qəsəbəsinin uzunluğu 2 km olan daxili yolunda təmir işləri aparılıb.

Məqalədə:
Xəbər lenti

Xəbər lenti