Bakı. Trend:
Azərbaycanın şimal bölgəsinin ən yaşlı sakini dünyasını dəyişib.
Trend xəbər verir ki, Siyəzən rayonunda yaşayan Əmrah Məmmədov 102 yaşında vəfat edib.
Məmmədov Əmrah Hacəli oğlu 1921-ci il yanvarın 20-də rayonun Böyük Həmyə kəndində anadan olub. İkinci Dünya müharibəsində iştirak edən Ə.Məmmədov Azərbaycanla yanaşı, Rusiya və Ukrayna hökumətləri tərəfindən də faşizm üzərində qələbənin yubiley medalları ilə təltif olunub.
1947-ci ildə ailə həyatı quran Əmrah Məmmədovun 8 övladı, 34 nəvəsi, 60-a yaxın nəticəsi və 10-a yaxın kötücəsi olub.