Bakı. Trend:
ABŞ prezidenti Co Baydenin administrasiyası ABŞ şirkətlərinə və vətəndaşlarına Rusiyanın "Kasperski Laboratoriyası" şirkəti tərəfindən yaradılmış proqram təminatından istifadəni qadağan etməyə hazırlaşır.
Trend-in məlumatına görə, bu barədə "CNN" televiziya kanalı mənbələrə istinadən bildirib.
Məlumata əsasən, qərar yekunlaşmaq üzrədir və bu ay kimi qəbul edilə bilər.
Qərara əsasən, "Kasperski Laboratoriyası"na ABŞ-da müəyyən məhsul və xidmətləri təqdim etmək qadağan edilə bilər.
Mənbələr kanala bildiriblər ki, qadağanın məqsədlərindən biri “ABŞ-ın kritik infrastrukturu üçün hər hansı riski azaltmaq” olacaq.