Bakı. Trend:
2024-cü ildə "Rəqəmsal resept" informasiya sistemi üzərində 70 min resept yazılıb.
Trend xəbər verir ki, bu barədə məlumat Milli Məclisin bu gün keçirilən plenar iclasında müzakirə edilən Nazirlər Kabinetinin 2024-cü ildə fəaliyyəti haqqında hesabatda öz əksini tapıb.
“"Rəqəmsal resept" informasiya sistemi hazırlanıb və tibb müəssisələrində reseptlərin yalnız bu sistemlə yazılması üzərində mütəmadi monitorinqlər keçirilib. 2024-cü ildə tibb müəssisələri tərəfindən ümumilikdə 70 min resept yazılıb, 372 tibb müəssisəsində 2,1 min həkim resept yazma fəaliyyətində iştirak edib, habelə ölkə üzrə fəaliyyət göstərən 3 min aptekdən 2,8 min aptekin sistemə qoşulması təmin edilib”,- deyə məlumatda bildirilib.
