"Neftçi" qarşıdakı futbol mövsümü ərəfəsində Türkiyədə yoxlama oyunları seriyasını başa vurub.
Komandanın mətbuat katibi Səbuhi Səfiyarlının Trend ə verdiyi məlumata görə, vətənə yola düşməzdən əvvəl sonuncu yoldaşlıq görüşündə Qurban Qurbanovun yetirmələri "Qazeantepspor"la qarşılaşıb. Görüş qonaqların bəzi ərazi və oyun üstünlüyü və heç-heçə (1:1) ilə başa çatıb. Yeri gəlmişkən, Birlik Kuboku sahiblərinin heyətində 2 mövsüm Yevlaxın "Karvan" klubunda çıxış etmiş forvard Fərrux İsmayılov fərqlənib.
S.Səfiyarlı onu da vurğulayıb ki, növbəti birinciliyin başlanmasına cəmi yarım ay qaldığını nəzərə alaraq, klub Azərbaycanda çempionata hazırlığı davam etdirəcək.