Azərbaycan, Bakı/ Trend müxbir E.Hüseynli/ Milli Televiziya və Radio Şurasının (MTRŞ) sədri Nuşirəvan Məhərrəmli Azərbaycanda fəaliyyət göstərən telekanallarda peşəkar aparıcı çatışmazlığı olduğunu bildirib və bu istiqamətdə müvafiq tədbirlərin görülməsinin vacibliyini açıqlayıb.
Onun sözlərinə görə, aparıcılar ciddi yoxlamalardan sonra efirə buraxılmalıdır və telekanallar bunun məsuliyyətini başa düşməlidir. Aparıcıların peşəkarlığının artırılması üçün xüsusi proqram hazırlanmalı və telekanal rəhbərləri ilə birgə müzakirə olunmalıdır. Məhərrəmli bildirib ki, aparıcılar Azərbaycan dilini, tarixini də yaxşı bilməlidirlər.
