Azərbaycan, Bakı/ Trend müxbir S.İlhamqızı/ Trend İnformasiya Agentliyinin İREX beynəlxalq təşkilatı ilə birgə layihəsi əsasında Agentliyin jurnalistləri üçün keçirilən treninq başa çatıb.
Dörd ay ərzində beynəlxalq ekspert Yevgeniya Munro informasiya sahəsində mövcud beynəlxalq təcrübə, informasiyanın əldə olunması, yazılması, operativ yayılması, xüsusilə məlumatların müasir dünya təcrübəsi əsasında hazırlanması qaydalarına dair Azərbaycan jurnalistləri ilə müntəzəm olaraq işləyib.
Treninq dünyanın iri informasiya agentliklərinin təcrübəsi əsasında keçirilib.
Treninq prosesində materialların beynəlxalq stanadartlara cavab verməsi baxımından verilən ballar əsasında həftəlik, aylıq ən yaxşı jurnalist müəyyən olunub. Qiymətləndirmə əsasında Agentliyin ən yaxşı jurnalisti Səba Ağayeva seçilib və xüsusi təsis olunmuş "Munro Kuboku" ilə mükafatlandırılıb.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
