Azərbaycan, Bakı, 15 avqust / "TrendLife" , müxbir Vüqar Vüqarlı/ Azərbaycan qadınlarının sevimlisi, xalq artisti Rasim Balayev yaradıcılığı boyu yaşadığı romantik hisslərlə bağlı "TrendLife"a bunları dedi: "Bəli, mən çox gözəl aktrisalarla işləmişəm. Hətta tanınmış aktrisalarla iş birliyim olub. Amma çalışırdım onlarla maraqlanmayım. Çünki iki tanınmış insanın bu cür hisslərinin sonunun faciə ilə bitəcəyini bilirdim. Gözümün qabağında məhz buna görə neçə ailə dağılıb, insan həyatı məhv olub. Mən həmişə öz hisslərimi cilovlamağı bacarmışam. Buna baxmayaraq, kinoda da, teatrda da aktrisalarla eşq məcərası yaşamışam".