Azərbaycan, Bakı, 4 iyul /Trend/
Gələn il yaranmasının 10 illiyini qeyd edəcək "Xəzər Lənkəran" futbol klubu bir çox layihələrə imza atmağı düşünür.
Trend komandanın saytına istinadən məlumat verir ki, klub yubiley tədbirləri çərçivəsində böyük bir addım atıb. Belə ki, qardaş Türkiyənin nəhəng klublarından sayılan "Fənərbağça" klubunu "Xəzər Lənkəran" ölkəmizə gətirir.
Türkiyə klubunun əsas komandası ilə iyul ayının 21-də saat 20:00-da Lənkəran şəhər stadionunda yoldaşlıq görüşü keçiriləcək.