Bakı.Trend:
"SpaceX" şirkətinin rəhbəri, amerikalı milyarder İlon Mask süni intellektin sürətli inkişafının potensial təhlükəsi barədə hələ 12 il əvvəl xəbərdarlıq etdiyini xatırladıb.
“12 il əvvəl”, – deyə Mask "X" sosial şəbəkəsində yazıb və paylaşımına 2014-cü il avqustun 2-də etdiyi paylaşımın repostunu əlavə edib. O zaman Mask süni intellektlə bağlı “son dərəcə ehtiyatlı” olmaq lazım olduğunu bildirərək, bu texnologiyanın potensial olaraq nüvə silahından daha təhlükəli ola biləcəyini qeyd edib.
Süni intellektin risklərinin yenidən müzakirə olunmasına səbəb "Anthropic" şirkətinin rəhbəri Dario Amodeinin məqaləsi olub. O, mümkün nəticələri qiymətləndirmək üçün qabaqcıl süni intellekt modellərinin hazırlanmasının sürətinin azaldılmasına çağırıb.
Amodeinin sözlərinə görə, inkişaf prosesinin koordinasiyalı şəkildə yavaşladılması şirkətlərə modellərin kritik dərəcədə yüksək inkişaf səviyyəsinə çatmasına qədər əlavə bir-iki il vaxt qazandıra və ciddi səhv hesablamaların qarşısını almağa imkan verə bilər.
"Anthropic" rəhbərinin mövqeyi ilə Mask, eləcə də "OpenAI" rəhbəri Sem Altman razılaşıb.
