Bakı. Trend:
Filippinin cənubundakı Maqindanao del Norte əyalətinin Kotabato şəhərində bazar günü gecəyarısı seçki məntəqəsində baş verən atışma nəticəsində üç nəfər ölüb, 15 nəfər yaralanıb.
Atışma Bangsamoro Müsəlman Mindanaosunda Muxtar Regionda (BARMM) parlament seçkilərinin başlamasından əvvəl baş verib. Seçkilər ilk seçkili parlamentin formalaşdırılması məqsədilə bazar ertəsi başlayıb.
Yerli polisin məlumatına görə, rəqib siyasi qruplar səsvermə növbəsində mövqe uğrunda mübahisə ediblər. Bu, insanların bir-birini itələməsinə, əlbəyaxa davaya və nəticədə izdihamlı ərazidə atəş açılmasına səbəb olub.
Yerli KİV-in məlumatına görə, 13 partiyanın 80 parlament mandatı uğrunda mübarizə apardığı seçkilərdə 2 milyondan çox seçicinin səsvermə hüququ var. Son günlər BARMM ərazisində təhlükəsizlik tədbirləri gücləndirilib, seçki məntəqələrinə 20 mindən çox təhlükəsizlik əməkdaşı cəlb olunub və mümkün zorakılıq hallarına müdaxilə etmək üçün çevik reaksiya qrupları yaradılıb.
