Azərbaycan, Bakı, 24 fevral /Trend, müxbir E.Mehdiyev/
Azərbaycanlı üzgüçü Elvira Həsənova 2014-cü ilin avqustunda Nankində (Çin) keçiriləcək gənclərin İkinci Olimpiya Oyunlarında iştirak etmək üçün lisenziya alıb. Bu barədə bazar ertəsi Trend-ə Azərbaycan Üzgüçülük Federasiyasının baş katibi Fərid Bənənyarlı bildirib.
Lisenziya Belçikada azərbaycanlı üzgüçülərin beynəlxalq turnirdə iştirakı çərçivəsində əldə olunub.
F.Bənənyarlının qeyd etdiyi kimi, sonrakı yarışlar çərçivəsində azərbaycanlı üzgüçülər gənclərin İkinci Olimpiya Oyunlarının lisenziyası uğrunda mübarizəni davam etdirəcəklər.