Azərbaycan, Bakı, 22 iyun /Trend/
Argentina milli futbol yığmasının sabiq hücumçusu Dieqo Maradona Beynəlxalq Futbol Assosiasiyaları Federasiyasının (FIFA) prezidenti vəzifəsinə namizədliyini irəli sürəcək. Trend-in TASS agentliyinə istinadən verdiyi məlumata əsasən, bu barədə uruqvaylı jurnalist Viktor Morales deyib.
Jurnalist bildirib ki, D.Maradona FIFA-da dəyişikliklər istəyir: "Bu səbəbdən prezidentlik vəzifəsinə namizədliyini irəli sürəcək. O, FIFA ətrafındakı qalmaqalda iştirak etmədən, mübarizə aparmağa üstünlük verib. Futbolçunun böyük nüfuzu var".