Bakı. Trend:
21 yaşadək futbolçulardan ibarət Azərbaycan yığması "Antalya Cup" turnirində sonuncu oyununu keçirib.
Trend-in məlumatına görə, Bəhreynin U-20 millisi ilə qarşılaşan komandamız 4:0 hesabı ilə qələbə qazanıb.
Millimiz bu qələbə ilə turnirin qalibi olub.
Qeyd edək ki, komandamız bundan əvvəl Ukraynanın U-21 komandasını 2:1, Səudiyyə Ərəbistanının U-20 yığmasını 3:0, Albaniyanın U-21 komandasını isə 4:0 hesabı ilə məğlub edib.