...

Yeniyetmə oğlanlardan ibarət millimiz Avropa birinciliyinin bürünc medalçısıdır (FOTO)

İdman Materials 13 İyul 2016 10:23 (UTC +04:00)

Bakı. Trend:

Azərbaycanın gənclərdən ibarət stolüstü tennis üzrə yığma komandası Xorvatiyada keçirilən və 46 ölkənin iştirak etdiyi Avropa birinciliyində üçüncü yeri tutub.

Trend-in məlumatına görə, yarımfinalda Rusiya millisinə məğlub olan tennisçilərimiz bürünc medala sahib olublar.

Yeniyetmə qızlarımız Çexiyanın yığma komandasına və Fransa millisinə qalib gələrək 9-cu yeri qazanıblar.

Xorvatiya və Fransa millilərini məğlub edən gənc qızlarımız isə 5-ci yeri tutublar.

Qeyd edək ki, Azərbaycanın stolüstü tennis tarixində ilk dəfə olaraq bu cür yüksək nəticələr əldə olunub.

Gənclər arasında Avropa birinciliyi iyulun 17-dək davam edəcək.

Qarşıda yeniyetmə və gəncləri şəxsi, qoşa və qarışıq qoşa dərəcələrdə medallar uğrunda mübarizə gözləyir.

Məqalədə:
Xəbər lenti

Xəbər lenti