Bakı. Vüqar İmanov, Yelena Kosolapova - Trend:
İslam Oyunlarının bütün qonaqları Bakıda keçirdikləri vaxtdan razı qalacaq.
Bunu Trend-ə Banqladeşdən texniki nümayəndə Muhiddin Əhməd deyib.
O deyib: “Bütün təşkilatçılıq yüksək səviyyədədir. Burada gözəl Olimpiya kəndi var. Yeməklər dadlıdır. Fikrimcə, bütün qonaqlar – idmançılar, rəsmi şəxslər razı qalacaq”.
M.Əhməd bildirib ki, açılış mərasiminin keçiriləcəyi Olimpiya stadionu onun çox xoşuna gəlib.
Qeyd edək ki, bu gün açılışı olacaq Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.