Bakı. Elçin Mehdiyev - Trend:
Bakıda keçirilən IV İslam Həmrəyliyi Oyunlarında 84 kq-dək çəki dərəcəsində ən güclü qadın karateçilər müəyyənləşib.
Trend-in məlumatına görə, finalda Azərbaycan idmançısı Fəridə Əliyeva türkiyəli Meltem Kocaoğlu ilə qarşılaşıb.
Gərgin keçən döyüşdə Türkiyə karateçisi qalib gəlib - 6:3.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.