...

Kaliforniyada Azərbaycan Xalq Cümhuriyyətinin 100 illiyinə həsr olunan şahmat turniri keçirilib (FOTO)

İdman Materials 1 May 2018 14:27 (UTC +04:00)
ABŞ-ın Kaliforniya ştatının San Dieqo şəhərində Azərbaycanın Los Ancelesdəki Baş Konsulluğunun təşəbbüsü və dəstəyilə aprelin 28-də Azərbaycan Xalq Cümhuriyyətinin 100 illiyinə həsr olunmuş geniş şahmat turniri keçirilib.
Kaliforniyada Azərbaycan Xalq Cümhuriyyətinin 100 illiyinə həsr olunan şahmat turniri keçirilib (FOTO)

Bakı. Trend:

ABŞ-ın Kaliforniya ştatının San Dieqo şəhərində Azərbaycanın Los Ancelesdəki Baş Konsulluğunun təşəbbüsü və dəstəyilə aprelin 28-də Azərbaycan Xalq Cümhuriyyətinin 100 illiyinə həsr olunmuş geniş şahmat turniri keçirilib.

Baş Konsulluqdan Trend-ə verilən məlumata görə, “Bakı Açıq Şahmat Turniri” adlandırılan turnir San Dieqo Şahmat Klubu tərəfindən keçirilib. Turnirin bundan sonra hər il 28 may - Respublika Günü ərəfəsində keçirilməsi nəzərdə tutulur.

San Dieqo Şahmat Klubu üzvlərinin sayına görə ABŞ-da fəaliyyət göstərən ən böyük şahmat klublarından biridir.

Dörd turdan ibarət olan turnirdə müxtəlif yaş kateqoriyalarından olan 50 şahmatçı öz güclərini sınayaraq, altı bölmədə mübarizə aparıblar.

Sonda hər bölmə üzrə qalib gələn idmançılara Azərbyacanın Los Ancelesdəki Baş Konsulluğu tərəfindən müvafiq diplomlar və hədiyyələr təqdim olunub.

Turnirin iştirakçılarına Azərbaycan Xalq Cümhuriyyətinin tarixi, müsəlman dünyasında ilk dünyəvi respublika olması, Azərbaycanın 1991-ci ildən bəri keçdiyi müstəqillik yolu, əldə etdiyi nailiyyətlər, ölkəmizdə şahmat idmanının inkişafı barədə məlumat verilib, kitabçalar paylanılıb.

Məqalədə:
Xəbər lenti

Xəbər lenti