Paris. Trend:
Zelim Kotsoyev Olimpiya çempionu oldu.
Trend xəbər verir ki, Azərbaycan cüdoçusu Zelim Kotsoyev Fransanın paytaxtı Parisdə keçirilən Yay Olimpiya Oyunlarında final görüşünə çıxıb.
100 kq çəki dərəcəsində çıxış edən idmançımız final mərhələsində gürcüstanlı idmançıya qalib gəlib.
xxx
18:40
Azərbaycan cüdoçusu Zelim Kotsoyev Fransanın paytaxtı Parisdə keçirilən Yay Olimpiya Oyunlarında növbəti görüşünü keçirib.
Trend xəbər verir ki, 100 kq çəki dərəcəsində çıxış edən idmançımiz yarımfinal mərhələsində özbəkistanlı Muzaffarbek Turoboyevlə qarşı qarşıya gəlib.
Rəqibinə qalib gələn Kotsoyev finala vəsiqə qazanıb.
Təmsilçimiz finalda İlya Sulamanidze ilə (Gürcüstan) qarşılaşacaq.
xxx
14:31
Paris-2024 Yay Olimpiya Oyunlarının cüdo yarışları davam edir.
Trend İdman.biz-ə istinadən xəbər verir ki, bu gün daha iki çəki dərəcəsində qaliblər müəyyənləşəcək.
Azərbaycan millisinin bir cüdoçusu tatamiyə çıxacaq. Dünya və Avropa çempionu Zelim Kotsoyev mükafatlar üçün mübarizə aparacaq. Bugünkü görüşlərə Bakı vaxtı ilə saat 12:00-da start veriləcək.
Kişilər
100 kq
Zelim Kotsoyev yarışa 1/8 finaldan başlayıb. O, Pyotr Kuçeranı
(Polşa) ipponla məğlub edərək mərhələ adlayıb. Kotsoyev 1/4 finalda
Peter Paltçiklə (İsrail) üz-üzə gəlib. Dünya çempionumuz bu görüşü
də aktivinə yazıb və yarımfinala yüksəlib.
Qeyd edək ki, Paris-2024-ə 9 cüdoçu ilə yollanan millimizin yeddi idmançısı çıxışını başa vurub. Yığmamız turnirdə hələlik bir medal qazanıb. Hidayət Heydərov 73 kq çəkidə bütün rəqiblərinə qalib gəlməklə qızıla sahib çıxıb.
XXX
13:13
Paris-2024 Yay Olimpiya Oyunlarının cüdo yarışları davam edir.
Trend xəbər verir ki, bu gün daha iki çəki dərəcəsində qaliblər müəyyənləşəcək.
Azərbaycan millisinin bir cüdoçusu tatamiyə çıxacaq. Dünya və Avropa çempionu Zelim Kotsoyev mükafatlar üçün mübarizə aparacaq. Bugünkü görüşlərə Bakı vaxtı ilə saat 12:00-da start veriləcək.
Kişilər
100 kq
Zelim Kotsoyev yarışa 1/8 finaldan başlayıb. O, Pyotr Kuçeranı
(Polşa) ipponla məğlub edərək mərhələ adlayıb.
Qeyd edək ki, Paris-2024-ə 9 cüdoçu ilə yollanan millimizin yeddi idmançısı çıxışını başa vurub. Yığmamız turnirdə hələlik bir medal qazanıb. Hidayət Heydərov 73 kq çəkidə bütün rəqiblərinə qalib gəlməklə qızıla sahib çıxıb.
xxx
10:45
Paris-2024 Yay Olimpiya Oyunlarının cüdo yarışları davam edir.
Trend İdman.biz-ə istinadən xəbər verir ki, bu gün daha iki çəki dərəcəsində qaliblər müəyyənləşəcək.
Azərbaycan millisinin bir cüdoçusu tatamiyə çıxacaq. Dünya və Avropa çempionu Zelim Kotsoyev mükafatlar üçün mübarizə aparacaq. Bugünkü görüşlərə Bakı vaxtı ilə saat 12:00-da start veriləcək.
Kişilər
100 kq
Zelim Kotsoyev yarışa 1/8 finaldan başlayacaq. O, Pyotr Kuçera
(Polşa) - Tomas Briçeno (Çili) cütünün qalibini gözləyir.
Qeyd edək ki, Paris-2024-ə 9 cüdoçu ilə yollanan millimizin yeddi idmançısı çıxışını başa vurub. Yığmamız turnirdə hələlik bir medal qazanıb. Hidayət Heydərov 73 kq çəkidə bütün rəqiblərinə qalib gəlməklə qızıla sahib çıxıb.
