Bakı. Trend:
Türkiyənin "Qalatasaray" klubu Braziliyanın "Fluminense" komandasında çıxış edən ulduz futbolçu Con Ariası heyətinə qatmağa hazırlaşır.
Trend-in məlumatına görə, Braziliyanın "O Dia" nəşri transferin artıq son mərhələyə çatdığını və İstanbul klubunun transferi rəsmi olaraq bitirməsinin an məsələsi olduğunu bildirib.
Con Arias "Fluminense" forması ilə indiyədək 192 oyunda iştirak edərək 42 qol vurub və 42 məhsuldar ötürmə ilə komandasına töhfə verib. "Qalatasaray"ın bu transferi yaxın günlərdə elan edəcəyi gözlənilir.