...

Növbəti ixrac missiyası Dubaya gedir

İqtisadiyyat Materials 29 Noyabr 2017 10:36 (UTC +04:00)
Növbəti ixrac missiyası Dubay şəhərinə gedir.
Növbəti ixrac missiyası Dubaya gedir

Bakı. Trend:

“Made in Azerbaijan” brendinin təşviqi məqsədilə İqtisadiyyat Nazirliyi tərəfindən növbəti ixrac missiyası 3-7 dekabr tarixlərində Birləşmiş Ərəb Əmirliyinin (BƏƏ) Dubay şəhərinə təşkil olunacaq.

Bu barədə Trend-ə nazirlikdən məlumat verilib.

İxrac missiyasında təmsil olunan meyvə-tərəvəz istehsalçıları 5-7 dekabr tarixlərində Dubayda keçiriləcək Yaxın Şərq ölkələrində ən iri meyvə-tərəvəz sərgisi olan “WOP Dubai”da da iştirak edəcəklər. Azərbaycan məhsullarının da nümayiş olunacağı sərgi çərçivəsində seminar və ikitərəfli görüşlər təşkil ediləcək.

Qeyd edək ki, Dubay şəhərinə təşkil olunan ixrac missiyasına müsabiqə əsasında seçilmiş və Azərbaycanda meyvə şirələri, təbii mineral sular, meyvə-tərəvəz məhsulları, quru meyvə, konservləşdirilmiş məhsullar, ət və ət məhsulları, bal, çay, süd və süd məhsullarının istehsalı sahəsində fəaliyyət göstərən 20 şirkət daxildir.

Məqalədə:
Xəbər lenti

Xəbər lenti