...

PAŞA Bankın “Onlayn biznes krediti” məhsulu ilk beynəlxalq mükafatını aldı

İqtisadiyyat Materials 30 Noyabr 2020 15:30 (UTC +04:00)
PAŞA Bankın “Onlayn biznes krediti” məhsulu ilk beynəlxalq mükafatını aldı

Bakı. Trend:

Ölkənin aparıcı korporativ bankı olan PAŞA Bankın kiçik və orta biznes sahibləri üçün cəmi altı ay öncə istifadəyə verdiyi “Onlayn biznes krediti” məhsulu artıq ilk beynəlxalq mükafatını aldı.

Belə ki, 20 noyabr 2020-ci il tarixində “SME Banking Club” tərəfindən onlayn formatda keçirilən Ekspertlər Şurası iclasında region üzrə kiçik və orta bizneslərə dövriyyə vəsaitini artırmağa kömək edən üç ən yaxşı kredit məhsulu seçildi.

"Tinkoff Bank", "Sberbank", "OTP Bank Ukraine" kimi nəhəng bankların da iştirakı ilə keçirilən Ekspert Şurasında PAŞA Bankın “Onlayn biznes krediti” məhsulu finalçı bankların nümayəndələrinin səsverməsi ilə müəyyən edilmiş 3 qalıb arasında yer almışdır.

Tədbirdə Azərbaycan, Rusiya, Gürcüstan, Ukrayna, Belarus daxil olmaqla 11 ölkəni təmsil edən bank nümayəndələri iştirak etmişdir. Finalçılar 200-dən çox bankın kiçik və orta sahibkarlar üçün təklif etdiyi dövriyyə vəsaitini artırmağa kömək edən məhsulların “SME Banking Club”-ın analitikləri tərəfindən hazırlanmış tədqiqatların nəticəsində müəyyən edilmişdir.

PAŞA Bank, kiçik və orta sahibkarlar üçün “Onlayn biznes krediti” məhsulunu müştərilərinə 2020-ci ilin may ayından təklif edir. Prosesin maksimum avtomatlaşdırılması sayəsində müştərilər 250.000 AZN-dək biznes kreditlərini tamamilə onlayn şəkildə banka gəlmədən və növbə gözləmədən əldə edə bilərlər. Kredit üzrə müraciələr 24/7 rejimində qəbul olunur, qərar isə bütün sənəd və məlumatlar təqdim edildikdən sonra müştəriyə cəmi 2 iş günü ərzində bildirilir.

Əlavə olaraq qeyd olunmalıdır ki, 30 noyabr 2020-ci il tarixinədək keçirilən “Endirimlər həftəsi” çərçivəsində “Onlayn biznes krediti” məhsulunu 16.5% illik faiz dərəcəsi və komissiyaya 25% endirim ilə əldə etmək mümkündür. Endirimlərdən faydalanmaq üçün: link.

Məqalədə:
Xəbər lenti

Xəbər lenti