Bakı. Sədrəddin Ağcayev - Trend:
Azərbaycan dəmir yollarında təmassız bank kartları ilə ödəniş üzrə pilot layihə sınaqlar başa çatdıqdan sonra işə salınacaq.
Trend-in məlumatına görə, bunu Mərkəzi Bankın baş direktoru Fərid Osmanov "Baku Transit Forum 2021: Smart City" adlı onlayn tədbirdə deyib.
Onun sözlərinə görə, Mərkəzi Bank "Azərbaycan Dəmir Yolları"nın və digər strukturların dəstəyi ilə bu sınaqların ilkin mərhələsini uğurla reallaşdırır.
F.Osmanov bildirib ki, 2020-ci ildə Azərbaycanda elektron bankçılıq və nağdsız əməliyyatlar vasitəsilə pul köçürmələrinin həcmi rekord səviyyəyə çatıb.
(Tərcümə: Orxan Nəbiyev)